ចេញផ្សាយ ថ្ងៃពុធ ទី០៣ ខែមីនា ឆ្នាំ២០២១
ភ្នំពេញ៖ លោក សុខ លូ អភិបាលខេត្តកំពង់ធំ នៅព្រឹកថ្ងៃទី០៣ ខែមីនា ឆ្នាំ២០២១នេះ បានចូលរួមចាក់វ៉ាក់សាំង ការពារជំងឺកូវីដ-១៩ ជាលើកទី២រួចរាល់ហើយ នៅមន្ទីរពេទ្យមិត្តភាពខ្មែរសូវៀត រាជធានីភ្នំពេញ។
បើតាមលោក សុខ លូ បានឲ្យដឹងនៅលើបណ្តាញសង្គមរបស់លោកថា ទោះបីយ៉ាងណាក៏ដោយ ការបន្តអនុវត្ត អនុសាសន៍ដ៏ខ្ពង់ខ្ពស់ របស់សម្តេចអគ្គមហាសេនា បតីតេជោ ហ៊ុន សែន ក្នុងវិធានការការ ពារជំងឺកូវីដ-១៩ ៣ការពារ ៣កុំ គឺពិតជាមានសារ:សំខាន់ណាស់។
សារៈសំខាន់៣ការពារ និង៣កុំនេះ ត្រូវបានលោក សុខ លូ អភិបាលខេត្តកំពង់ធំ លើកយកមកបង្ហាញថា៖
– ៣ការពារ រួមមាន៖
១-ពាក់ម៉ាស់
២-លាងដៃ
៣-គម្លាតសង្គម គម្លាតបុគ្គល (ចាប់ពី១,៥០ ម៉ែត្រឡើងទៅ)
– ៣កុំ រួមមាន៖
១-កុំទៅកន្លែងបិទជិត គ្មានខ្យល់ចេញចូល និងម៉ាស៊ីត្រជាក់ច្រើនពេក
២-កុំទៅកន្លែងមានមនុស្សច្រើន
៣-កុំប៉ះពាល់គ្នា កុំចាប់ដៃគ្នា កុំកៀកស្មា កុំឱបគ្នាជាដើម។
ជាមួយគ្នានោះ ក្នុងខ្លឹមសារបញ្ចប់របស់លោក សុខ លូ អភិបាលខេត្តកំពង់ធំ ក៏បានសូមគោរពអរគុណសម្តេចតេជោ ប្រមុខរាជរដ្ឋាភិបាលកម្ពុជា ជាអនេកផងដែរ៕
